(((اناالعاشق أناالمغرم )))

- اناالعاشق أناالمغرم أناذاك الفتى الموجود
‎ ‎انااللي مالقى ديره تضمه في اراضيها
- اناذاك الغريب اللي رحل عن ديرته مطرود
‎ ‎واناذيك العيون اللي سقت عطشى سواقيها
- واناذاك الوحيداللي سهر والعالمين رقود
‎ ‎عيونه ماتنام الليل ترجي شوف غاليها
- انااللي مايخاويني سوى ذيك الليال السود
‎ ‎وانااللي قصتي قصه عجزت أعرف معانيها
-مشيت بسكةالغربة مشيت ولاوجدت حدود
‎ ‎وجلست اطالع بدنيا الغرام وماحصل فيها
- وجدت ان الامل يصبح لمن مثلي قبر ملحود
‎ ‎أمل باكرعلي يهدم بيوت كنت بانيها
- غريب الليل وش يلقى سوى هم عليه يزود
‎ ‎وضيقةصدروالدمعة عن العدوان يخفيها
- يسافرمع نجوم الليل صوب الماضي المنشود
‎ ‎ولايلقى سوى ذكرى مرورالوقت ماحيها
- طوال الليل يبني له مشاريع بروس النود
‎ ‎والى اقبل عليه الصبح يهدمها ويمحيها
- نثردمعه على خده ينادي وقته المفقود
‎ ‎تربع بالعذاب وشاف عينه سال واديها
- دنا موته ولاباقي من سنينه سوى المعدود
‎ ‎مضى من عمره العشرين بالونات محصيها
- حياتي يامجافيني بها حزن وهم يزود
‎حياتي يامجافيني أسى وحرمان كاسيها

في قمة الروعه
تحياتي لك يا فوفو

اشكرك على رد وتقبل احترامي
ليالي شوق